Лестер ја „украде“ големата желба на Милан

Француските медиуми пренесуваат дека младиот дефанзивец на Сент Етјен, Весли Фофана се сели во Лестер за 40 милиони евра.

19-годишниот Фофана одигра одлична сезона и покажа дека станува збор за еден од најголемите француски таленти, па го привлече вниманието на многу европски гиганти.

Милан беше сериозно заинтересиран за неговиот потпис и беше спремен да понуди 30 милиони евра, но Лестер ја доби битката за францускиот „бисер“.

„Лисиците“ се согласија за Фофана да платат 40 милиони евра, понуда која Милан не беше спремен да ја израмни, па играчот кариерата ќе ја продолжи на Островот.

Се очекува утре Французинот да ги мине лекарските прегледи и да стави потпис на 5-годишен договор.

Wesley Fofana is getting closer to Leicester. Talks progressing between St Étienne and #LCFC for €40m add ons included. Personal terms already agreed.
Leicester 3 days ago also made a bid for Jonathan Tah (€2m loan + €22m buy option) turned down by Leverkusen. ? #transfers

— Fabrizio Romano (@FabrizioRomano) September 29, 2020