Леонардо замина во Лондон по Фабрегас!

Италијанските и англиските медиуми едногласно тврдат дека Цеск Фабрегас е пред трансфер во Милан.
Договорот на Фабрегас со Челзи истекува на крајот на сезоната, а јасно е дека двете страни немаат намера да ја продолжат соработката.

Шпанецот е слободен да преговара со други клубови, а медиумите тврдат дека постигнал комплетен договор со италијанскиот гигант Милан. Наводно двете страни се договориле за договор до 2021 година тежок 3,5 милиони евра по сезона.

Спортскиот директор на Милан, Леонардо во моментов е во Лондон да ги договори последните детали околу трансферот. „Росонерите“ се спремни да му платат симболична сума на Челзи за да го добијат фудбалерот уште во јануари.

Фабрегас би требало во тимот да го замени повредениот Бонавентура, па сигурно би бил големо засилување за „росонерите“.

https://youtu.be/-iqiwTjdxiw