Легендата на Манчестер тврди: Ливерпул може да ја освои ЛШ

Легендата на Манчестер Јунајтед, Рио Фердинанд тврди дека Ливерпул оваа сезона може да го освои трофејот во Лигата на шампиони.

Поранешниот капитен на „црвените ѓаволи“ го анализираше тимот на Клоп и смета дека има квалитет да триумфира во најелитниот урнир.

„Никој не сака да игра против Ливерпул во четвртфиналето. Мислам дека „црвените“ имаат потенцијал да го освојат турнирот“, изјави Фердинанд.

„Без разлика што некои тимови имаат големо искуство во овој турнир, кога нивното трио е во форма – не сакаш да одиш на „Енфилд“. Брзината која ја има во овој тим е она што би му отежнало на секој“, додаде легендата на Јунајтед .

Ливерпул го елиминираше Порто во осминафиналето во Лигата на Шампионите по 5:0 во првиот натпревар на „Драгао“ и 0:0 на „Енфилд“.