Легендарниот Руи Коста нов претседател на Бенфика

Легендарниот Руи Коста ќе биде нов претседател на Бенфика.

Луис Фелипе Виеира кој од 2003 година беше на чело на португалскиот гигант заминува од функцијата, а е приведен поради сомневање за перење пари. Раководството на Бенфика на вонредна седница го избра Коста за нов прв човек.

„Руи Коста ја доби довербата да го води клубот по итното гласање на оваа точка. Сметаме дека тој во овој момент е најдоброто решение“, соопшти Бенфика.

Поранешниот фудбалер подолг период е дел од Бенфика, сега од претседателската функција ќе се обиде да помогне овој клуб да се врати во самиот врв.