Левандовски петти најдобар стрелец во историјата на ЛШ

Полскиот напаѓач Роберт Левендовски вечерва постигна два гола во победата на Баерн над Олимпијакос.

Баварците гостуваа во Грција и славеа со 3:2, а Левандовски мрежата на грчкиот тим ја тресеше два пати – во 34. и 62. минута.

Со пет погодоци моментално е прв стрелец во оваа сезона во ЛШ, а вкупно се проби на петото место на листата најдобри стрелци во ова натпреварување.

Левандовски моментално има 58 погодоци, со што го помина Ван Нистелрој со 56. Пред него е Карим Бензема со 60, Раул со 71, Лео Меси со 112 и Кристијано Роналдо со 127 погодоци.

Напаѓачот на Баерн ќе се обиде да ги престигне Бензема и Раул за да дојде на третото место на вечната листа.