Левандовски не можеше да поверува колку години има, а Барселона му понуди нов договор

Барселона му понуди нов договор на супер талентираниот стопер Пау Кубарси (17), објави инсајдерот Фабрицио Романо.

Според Трансфермаркт, Кубарси моментално има договор со важност до 2026 година, но Каталонците сакаат договор на подолг период и да му понудат поголема плата. Исто така, новиот договор вклучува откупна клаузула од една милијарда евра, што веќе не е ретка практика во фудбалот.

Барселона се надева дека до крајот на сезоната ќе ги заврши преговорите со Шпанецот, кој уште нема ни 18 години, а кој дебитираше за шпанската А репрезентација на крајот на март во поразот од Колумбија (0:1) и ремито со Бразил (3:3). На тие натпревари одигра вкупно 16 минути.

Во тимот на тренерот Чави Ернандез од крајот на јануари стана стандарден првотимец, а досега има 13 настапи во сите натпреварувања. Трансфермаркт, веб-страница специјализирана за вредноста на фудбалерите, го проценува на 25 милиони евра.

Левандовски не можеше да поверува колку години има Кубарси
Напаѓачот на Барселона, Роберт Левандовски, објавија шпанските медиуми, не му верувал на Кубарси поради неговата возраст. Разговорот наводно одел вака:

Левандовски: „Пау, едно прашање: колку години имаш?“

Кубарси: „Имам 16 години“.

Левандовски: „Те замолив да ми кажеш колку години имаш. Не ме прави будала“.

Кубарси: „Се колнам дека имам 16 години“.

Левандовски: „Не ми се верува дека игравте вака на 16 години. Никогаш не сум видел такво нешто“.