Левандовски кон Халанд: Јас сум уште тука

Роберт Левандовски, кој веќе има 34 години, даде до знаење дека не се откажува да продолжи да постигнува рекорди во постигнати голови.

Меѓутоа, Левандовски сега има сериозна конкуренција во името на Ерлинг Халанд, кој веќе има постигнато 20 гола за Сити. За споредба Полјакот до сега постигна 13 гола оваа сезона.

Синоќа Левандовски ја доби наградата за најдобар голгетер бидејќи минатата сезона постигна 50 гола во дресот на Баерн Минхен.

„Веројатно поради Халанд повеќе  нема да ми биде лесно да ја освојувам оваа награда. Меѓутоа фудбалот е таков и треба секогаш да бидеме спремни. Свесен сум дека следната генерација доаѓа, но јас се уште сум тука“, порача Левандовски.