Леброн се огласи по најавите дека го одиграл последниот натпревар за Лејкерс

Тимот на Денвер го исфрли Лос Анџелес Лејкерс во првото коло од НБА плејофот со вкупни 4:1 во серијата. Актуелниот шампион предводен од Никола Јокиќ победи со 108:106 во петтиот натпревар во вторникот и со тоа го продолжи патот кон одбрана на шампионската титула.

Најдобар во редовите на поразениот тим, завршувајќи ја својата 21 сезона во НБА лигата, беше Леброн Џејмс, кој за 44:05 минути се доближи на трипл-дабл учинок, забележувајќи 30 поени, 11 асистенции и девет скока.

Џејмс, кој во декември ќе наполни 40 години, на прес-конференцијата беше прашан дали тоа е неговиот последен натпревар за Лејкерс. Еден од најдобрите кошаркари во историјата изјави дека „го цени прашањето“, но „одби да одговори“. Два дена подоцна се огласи на социјалните мрежи.

„Видов и слушнав приказни за мојата иднина. Тоа го кажав синоќа и сега ќе го повторам. Сè уште не знам што ќе се случи, во моментов размислувам само да поминам време со моето семејство и пријателите. Откако ќе разговарам со моето семејство, советниците и претставниците, ќе ве дознаете и вие“, напиша Џејмс.

Џејмс играше во просек речиси 41 минута во петте натпревари од серијата против Денвер, а таква просечна минутажа во плеј-оф натпреварите немаше од 2018 година, кога го предводеше Кливленд во последната сезона пред да им се приклучи на Лејкерс.

I’ve seen, heard a lot of reports about my future. I said it last night and I’ll say it again. I do not know yet as I’m only thinking about spending time with my family & friends! When I know after speaking with the fam, my counsel as

— LeBron James (@KingJames) May 1, 2024