Леброн во расправија со навивач: Каде ти е Кајри? – Дома кај твојата мајка! (Видео)

Aмериканската телевизија ЕСПН објави видео снимка од натпреварот помеѓу Кливленд и Портланд на која се гледа како Леброн влегува во кратка расправија со еден навивач.

Додека Блејзерси изведуваа слободни фрлања, Џејмс се расправаше со еден судија на што некој дофрли.

„Леброн, каде ти е Кајри“, алудирајќи на неговата разделба со Ирвинг, поранешниот играч на Кавси.

Мртон-ладе Џејмс се сврте кон трибините и му одговори:

„Дома кај твојата мајка“!

Расправијата на Џејмс со навивачот беше откриена после прегледувањето на снимката и засилувањето на микрофонот од паркетот.