Лампард: Освоивте титула, но немојте да бидете арогантни

Френк Лампард му честиташе на Ливерпул за освоената титула во Премиер лигата, но испрати важна порака до „црвените“.

Лампард го призна поразот, но имаше вербален дуел со Клоп покрај аут линијата, а после мечот му порача да не биде арогантен.

„Многу работи не одеа во наш прилог. На пример јас сметам дека тоа не беше фаул од Ковачиќ. Сепак, тоа не значи дека имам проблеми со Клоп. Тој го води тимот фантастично и заслужено ја освои лигата. Но, сега не треба да станат премногу арогантни“, истакна Лампард.

Сепак, после мечот Лампард покажа дека е голем господин и му ја честиташе титулата на фудбалерите на Ливерпул.