Лазаров за Червар: Не бевме свесни кого имаме додека не го изгубивме – никогаш нема да заборавиме што направи

Maкедонија денес од 18:00 часот ќе го игра најважниот натпревар досега на Светското првенство во кој противник ќе ни биде репрезентацијата на Хрватска која е предводена од Лино Червар.

Червар осум години работеше во Македонија, со Металург имаше голем успех, но беше и селектор.

Капитенот Кире Лазаров пред овој натпревар од хрватските медиуми доби прашање за Лино Червар.

„Моето мислење за Лино е дека не бевме свесни кого имаме се додека не го изгубивме. Горд сум и среќен што Лино беше наш селектор и што долги години беше дел од македонскиот ракомет. Тој направи големи работи за нашиот ракомет, поради тоа сите го обожаваме. Низ неговите раце во Металург поминаа две генерации. Се што правеше во Скопје беше одлично и тоа никогаш нема да му го заборавиме“, изјави Лазаров за хрватски „24часа“.