Лазаров го скрати списокот за дуелите со Чешка

Селекторот на  македонската ракометна репрезентација Кирил Лазаров, го скрати списокот од 35 на 23 играчи со кои ќе и се спротивстави на Чешка во баражот за пласман на Светското првенство.

Лазаров ги избра ракометарите кои беа и на претходните скратени списоци, а собирот на репрезентацијата е во сабота од 18.30 часот, додека дуелите против Чешка се играат на 13 април на гости од 20.15 часот, по што реваншот е на 17 април од 19 часот.

Во комбинација за настап останаа и двајца дебитанти во имињата на Дарко Кондев и Петар Атанасијевиќ, кои ќе борат за местото десно крило покрај искусниот Гоце Ојлески. На списокот го нема повредениот Цветан Кузманоски.