Кутињо прави изненадувачки трансфер

Новиот претседател на Барселона, Жоан Лапорта планира на лето да го продаде Кутињо, пренесуваат шпанските медиуми.

Главната причина за продажбата се 20-те милиони евра кои Каталонците ќе мораат да му ги платат на Ливерпул, ако Кутињо запише 100 настапи за Барселона.

Таквата ситуација сака да ја искористи Евертон, кој е спремен да плати 50 милиони евра, колку што бара Барселона за неговата слобода.

Кутињо сака да се врати во Премиер лигата, но овој трансфер би бил шокантен поради неговото минато во Ливерпул.

Покрај Евертон интерес за Бразилецот покажуваат уште Арсенал и Тотенхем, но Карло Анчелоти може да одигра клучна улога во трансферот.