Куман им се јавил на четири ѕвезди да им каже да ги пакуваат куферите

Новиот тренер на Барселона, Роналд Куман веќе сериозно планира реконструкција на тимот на Каталонците.

Холанѓанецот веќе имал разговор со четворица фудбалери за да им соопшти дека нема да смета на нив во следната сезона и слободно можат да си бараат нови клубови.

Уште вчера стана јасно дека еден од нив е Луис Суарез, а деталите од разговорот може да ги видете ОВДЕ.

Другите тројца се Артуро Видал , Иван Ракитиќ и Самуел Умтити. Ако не успеат да најдат нови клубови, Барселона е спремна спогодбено да ги раскине договорите.

Жерер Пике, Жорди Алба и Серхио Бускетс за кои медиумите шпекулираа дека исто така ќе заминат, сигурно ќе останат во тимот. Куман смета дека тие се важни како на теренот, така и во соблекувалната.