Куман за Суарез: Ако го направи среќен Ајакс, ќе го пуштам

Барселона ја очекува голема реконструкција на тимот ова лето, а медиумите тврдат дека неколку ѕвезди ќе го напуштат „Камп Ноу“.

Еден од нив е и Луис Суарез за кого сериозен интерес покажува Ајакс, кој е спремен да плати 15 милиони евра за неговиот потпис.

Новиот тренер на Барса, Роналд Куман денес беше запрашан од холандските медиуми за ситуацијата околу Суарез.

„Ако тоа ве направи среќни вас и Ајакс, тогаш ќе го ослободам“, се пошегува Куман со новинарите.

Суарез беше член на Ајакс од 2007 до 2011 година, каде и ја доживеа својата фудбалска афирмација.