Барселона наскоро ќе добие нов претседател, а како се ближат изборите се повеќе се шпекулира за иднината на Роналд Куман во славниот клуб.
Во последно време шпанските медиуми пишуваат дека Куман ќе замине од Барселона после претседателските избори, а за тоа денеска зборуваше и самиот тренер.
Вака се слави гол во 120-та минута!!! ↓↓↓
Тој истакна дека не е загрижен поради тие шпекулации и дека мисли само на следниот натпревар.
„Навивачите и медиумите се заинтересирани за создавање контроверзии. Најважно ми е да не се грижам поради тоа и да се концентрирам на следниот натпревар. Не ме нервира кога слушам имиња како Чави и други тренери.“ – рече Куман.
„Новиот претседател ќе биде избран овој викенд, па тој ќе донесе одлука. Ќе зборуваме. Ми се здосади од овие прашања. Важно е Барселона да има претседател, бидејќи тоа е најголемиот клуб на светот. Тоа е важно за мојата иднина и за иднината на тимот.“ – додаде Куман.