Кристиано Роналдо: Бев многу нервозен

Кристиано Роналдо го имаше своето второ деби на „Олд Трафорд“ и постигна два гола во победата над Њукасл (4:1).

Роналдо веднаш покажа дека ќе биде големо засилување за „црвените ѓаволи“, а после мечот призна дека бил нервозен пред дебито.

„Можеби не се приметуваше, но пред мечот бев многу нервозен. Фановите ме изненадија многу, бидејки цел натпревар од трибини го скандираа моето име. Приемот беше фантастичен и горд сум на тоа, фановите го заслужуваат најдоброто.  Не очекував да постигнам два гола, еден да, но не и два. Но ете, се случи и среќен сум поради тоа“, изјави Роналдо.