Крај на шпекулациите: Чалханоглу останува во Милан

Tурскиот репрезентативец Хакан Чалханоглу донесе одлука за својата иднина – ќе остане во Милан!

Фудбалерот на Милан има договор до крајот на сезоната и многу се шпекулираше со неговата иднина.

Меѓутоа изгледа дека на крајот е постигнат договор, Хакан вчера бил на состанок со директорите во „Каса Милан“ и ги договорил последните детали.

Пред неколку дена неговиот агент постигнал договор со „росонерите“ за продолжување на договорот и годишна плата од 4,5 милиони евра плус бонуси.

„Скај Италија“ пренесува дека Чалханоглу наскоро ќе стави потпис на договорот и ќе има официјална потврда.

Passi avanti per il rinnovo di #Calhanoglu col #Milan https://t.co/h8q6JFBf89

— Gianluca Di Marzio (@DiMarzio) March 2, 2021