Крај на сите сништа за „Росонерите“: Генерација која заминува во историја, се подготвува голема реконструкција…

По синоќешната „нула“ во дербито работите се јасни како и редоследот на потезите. Две ѕвезди и уште петтмина фудбалери со нив како и промашената инвестиција го напуштаат клубот…

Ремито против Интер значи и дефинитивно простување на Милан од ЛШ. Јасно е, ќе мораат да продадат играчи по многуте потрошени пари изминатото лето и несупехот.

И натаму нема пари од сопствениците, се е пролонгирано за половината на април, а нема ниту време за договор со УЕФА, јасно, „Росонерите“ ги очекува голем предизвик.

Тренерот се знае, Џенаро Гатузо денес потпиша договор, па таа работа е решена. Во зависност од развојот на финансиската ситуација, ќе видиме што ќе се случува со сопствеништвото, но она што Милан мора да го направи е да ја наполни касата.

На продажба се Донарума и Сусо и тоа не е тајна, тие своето последно дерби го одиграа.

Но, тоа не е се, клубот ќе проба да се ослободи од промашената инвестиција, Никола Калиниќ, Хрватот ќе го напушти клубот, во Милан се надеваат дека ќе пристигне понуда од Кина.

Освен него, заминуваат и Мусакио кој разочара, играчите од втор план како што се Густаво Гомез и Луке Антонели кои ќе го отстапат местото на Стриниќ. Мануел Локатели ќе биде продаден со право за откупување на договорот.

Нема ништо од враќањето на Бака, ако и Виљареал не го откупу, Милан е подготвен да го продаде и по ниска цена, во нападот сите карти ќе се фрлат на Силва и Кутроне, а треба да се очекуваат уште неколку засилувања, пред се млади играчи…