Коста ја продолжува војната: Конте доби „мило за драго“ (ФОТО)

Диего Коста од 2014. до 2017. година со успех го носеше дресот на Челзи, а потоа дојде до „затегнување на односите“ со тренерот, Антонио Конте, па шпанскиот напаѓач не се раздели на најубав начин со италијанскиот стратег и својот некогашен клуб.

Конте одлучи да го прешкрта Коста, па на неговото место пристигна Алваро Мората. Коста летото 2017. година „исчезнуваше“ од Челзи, за на крајот да се врати во својот некогашен клуб, Атлетико Мадрид.

Тој од јануари оваа година конечно стекна право за настап за „Јорганџиите“, но војната на релација Коста- Конте се уште трае.

Така Коста вечерва преку ТВ екраните го пратеше дуелот на Челзи и Барселона во осминафиналето во ЛШ. Челзи беше поразен со 3:0, па се прости од ЛШ, а Конте зададе дополнителен удар за Конте.

Коста на вечерашната средба ја бодреше својата некогашна екипа, а на своето инстаграм стори сподели фотографија на составот на Челзи за вечерашниот меч, но се потруди да му врати на Конте „мило за драго“.

Како што Конте го прешкрта Коста во екипата на Челзи, така и напаѓачот на Алтетико денес на фотографијата го прешкрта предводникот на Плавите.

Diego Costa scribbling out Antonio Conte's name on this picture on his Instagram stories… #CFC pic.twitter.com/sHhgJfgX5d

— Vaishali Bhardwaj (@VaiBhardwaj) March 14, 2018