Корејците го отпуштија селекторот кој ја победи Германија и донесоа добро познато име

Договорена е соработка до 2022 година.

Шин Тае-Јонг е заменет после Мундијалот во Русија, иако успеа да ја победи Германија со 2:0 и така шокантно да ги исфрли од Светското првенство. Поразите од Мексико и Шведска беа пресудни за отказ.

Него на селекторската позиција ќе го замени Паоло Бенто кој во својата кариера ги водеше Спортинг, репрезентацијата на Португалија и Олимпијаос, па така може да се каже дека зад себе има солидно тренерско искуство.

Португалецот е без работа осум месеци од кога го напушти кинескиот Чонжин Лифан, а покрај споменатите клубови беше тренер и на бразилски Крутеиро.

Бенто потпиша соработка до 2022 година кога се игра Мундијалот во Катар.