Менаџерот на Тотенхме Антонио Конте се надева дека неговите играчи ќе продолжат со добрите настапи и ќе обезбедат место во четвртфиналето од ФА Купот.
Сепак, првото прашање на прес-конференцијата пред овој натпревар беше за ситуацијата помеѓу Русија и Украина.
Дерби на Манчестер: Да се види кој е полош!? ↓↓↓
„Тажно е. Во 2022 година зборуваме за војна. Тоа е неверојатно и истовремено многу глупаво. На овој свет треба да владее мир, не треба да се губат човечки животи во вакви ситуации. Цел свет треба да се држи заедно“.
По тој коментар Италијанецот се врати на фудбалските теми.
„Знаете колку сакам да победувам. Ова е добро натпреварување. Имав среќа да играм финале две години во низа. Би сакал да ја продолжам таа традиција, посебно сега со Тотенхем и овие играчи. Не е лесно да се освои трофеј, не чека тежок ривал. Сакам да продолжиме со добри настапи, се надевам дека ќе одиграме добро и ќе поминеме понатаму“, изјави Конте.
Натпреварот помеѓу Миделсброу и Тотенхем на програмата е во вторник од 20:55 часот.
Учество во игри на среќа е дозволено за лица со 18+ години. Играј одговорно!