Компани се сели во Серија А

Италијанските медиуми пренесуваат дека капитенот на Манчестер Сити, Винсент Компани од следната сезона би можел да го носи дресот на Милан.

32-годишниот белгиски репрезентативец во последно време го загуби местото во првиот тим, па на крајот на сезоната најверојатно ќе си замине од „Етихад“ како слободен агент.

Неговиот договор завршува на крајот на сезоната, а фаворит за неговиот потпис е Милан и тоа благодарение на „Пума“.

Имено, Компани потпиша нов договор со „Пума“ која е генерален спонзор на „росонерите“ и инсистира Белгиецот да се пресели на „Сан Сиро“.

Милан е во потрага по искусен дефанзивец, па многу е веројатн двете страни да потпишат преддоговор во јануари, а Компани да се пресели во Милано следното лето како слободен играч.

Покрај Милан интерес за Белгиецот покажуваат уште Интер и Рома, па голема е веројатноста Компани од следната сезона да игра во Серија А.