Комични сцени во Неапол, Инсиње ќе го посветеше голот на погрешен соиграч! (Видео)

Лоренцо Инсиње го посвети погодокот на повредениот соиграч, но колегите од клупата во тие моменти му дадоа погрешен дрес…

Сите во Неапол останаа во шок после информациите за новата пауза на Аркадиуш Милик, а соиграчот на повредениот напаѓач одлучи да го испочитува Милик со тоа што ќе му посвети погодок, но доколку Инсиње не провереше голот можеше да биде посветен и на друг фудбалер.

Имено, Инсиње дотрча до клупата за да го добие дресот на Милик и да го покаже пред камерите, но во тие моменти дојде до мала грешка, па тој го доби дресот на Пјотр Зелински.

Инсиње брзо сфати дека добил погрешен дрес, па го замени и ја исполни својата намера.