„Комити“ функционираат како семејство: Платени сите казни за навивачите во дербито против Еурофарм Пелистер!

Последното ракометно дерби помеѓу Вардар и Еурофарм Пелистер кое заврши со победа на Вардар помина и со многу инциденти на терените.

Во инцидентите беа вклучени и навивачите на Вардар „Коитите“, а дел од нив добија казни и прекршочни пријави за однесувањето.

Денес на Фејсбук страницата на навивачката група беше објавено дека казните на навивачите се платени.

„Собирот пред С.Ц. Јане Сандански помина одлично. Дружба на генерации Вардарови навивачи, заедничка песна на комитските екипи од сите населби и подгрупи и сето крунисано со победа на теренот и на трибините!

Групата одлучи паричните средства за казните кои стигнаа до нашите членови, да ги покрие во целост. Никогаш нема да дозволиме дивеење и напад врз симпатизерите на клубот. Одговоривме така како што заслужија!

Во сабота, да ја наполниме трибината – да грми за Вардар наш!“, стои во објавата.