Клоп пронајде замена: Кариус може да си ги пакува куферите!

Лорис Кариус најверојатно го одбрани своето во Ливерпул, бидејќи се подготвува рокада на голот на „Црвените“.

Според извештаите на „Mundo Deportivo“, Јирген Клоп би сакал на голот на својот тим да го види Јаспер Килесен, голманот на Барселона. Холанѓанецот има откупна клаузула од 60 милиони евра што е прифатливо за Ливерпул, а уште поволна околност е тоа што Барса би била задоволна и со цифра од 35 милиони.

Килесен нема да биде првиот избор на голот ниту следната сезона бидеќи тука е Тер Штеген. Исто така, неговата плата не би била проблем за англискиот клуб и единствентвено се чека епилогот од преговорите околу Алисон. Барса со неговата продажба би заработила речиси три пати повеќе, бидејќи пред две лета беше платен само 13 милиони евра.