Клоп: Засилувања? Ако се случи нешто драматично, можно е

Германскиот стратег Јирген Клоп порача дека постои шанса Ливерпул да доведе некое засилување во јануарскиот преоден рок.

Јасно е дека на лидерот во Премиер лигата во овој момент не му е приоритет доведување засилувања, но Клоп истакна дека се е можно во зависност од ситуацијата.

„Засилувања? Тоа секогаш е можно, посебно ако се случи нешто не предвидено. Среќен сум со тимот кој го имам, но никогаш не се знае. Имаме некои натпревари пред нас и додека можеме да реагираме добро е. Ако се случи нешто драматично, ќе погледнеме какви се опциите. Ако не се случни ништо, нема да реагираме“, изјави Клоп.

Крајот на годината е период кога се играат голем број натпревари, а Ливерпул во период од 15 дена ќе одигра пет натпревари и секој натпревар ќе биде многу важен.

Следниот натпревар Ливерпул го игра на „Боксинг деј“ во среда во 16:00 часот, против Њукасл.