Клоп го коментираше враќањето на Хендерсон во Европа

Менаџерот на Ливерпул Јирген Клоп го коментираше враќањето на Џордан Хендерсон во европскиот фудбал и истакна дека не ги разбирал луѓето кои го критикуваат.

Екс-капитенот на Ливерпул минатото лето ја напушти Европа и се одлучи да ги прифати милиониот од Саудиска Арабија, сепак по само неколку месеци се врати и тоа во дресот на холандски Ајакс.

Се најавуваше дека Хендерсон може повторно да игра во Премиер лигата, но сепак се одлучи за гигантот од Амстердам.

„Среќен сум поради него. Ми изгледа среќен и тоа е најважно. Навистина не ги разбирам луѓето кои го критикуваат него или било кој друг. Имаме еден живот и нормално е некогаш да носиме одлуки кои не се совршени за нас, некогаш и работите се менуваат откако ќе ја донесеш одлуката…Беше таму (во Саудиска Арабија) и тоа секако е интересно искуство. Кога разговарав со него 99% беше разговор за фудбал. Таму работите се на почетокот и многу работи се во развивање, не е како тука, Џордан не критикуваше ништо“, изјави Клоп.

Имаше што да каже Клоп и за Ајакс.

„Ајакс е сензационален клуб кој е во тежок момент. Добро знаат да го коментираат талентот и искуството…Во Англија луѓето се прашуваат зошто фудбалерите заминуваат надвор кога сите сакаат да играат во Прмеиер лигата. Амстердам е прекрасен град и може да ужива со семејството, навистина сум среќен за него“, заврши Клоп.