Клоп воодушевен: Денес видов се што сакам да гледам во фудбалот

Тимот на Ливерпул во денешниот натпревар од Премиер лигата забележа убедлива победа во Премиер лигата против Вест Хем (4:1).

Клоп по натпреварот го истакна огромното воодушевување од неговите играчи и призна дека и тој самиот бил изненаден од претставата на неговите избраници.

Ливерпул до победата на овој натпревар стигна со погодоците на Емре Чан, Мохамед Салах, Роберто Фирмино и Саидо Мане. „Црвените“ во текот на целиот натпревар беа подобар тим и сосема заслужено стигнаа до трите бода.

„Да бидам искрен не очекував ваква игра денес, беше вистинско воодушевување да ги гледам како играат. Игравме агресивно и покажавме голема желба. Во овој натпревар видов се што сакам да гледам во фудбалот“, изјави Клоп.