Клиперси го добија градското дерби со Лејкерси, Јокиќ до нов рекорд 🎥

ЛА Клиперси го добија градското дерби со ЛА Лејкерси 104:86.

Клиперси беа благи фаворити во овој дуел, а на крајот и тоа го потврдија откако беа подобри во три од четирите четвртини.

Најефикасен во победничкиот тим со 22 поени беше Морис, додека Ленард го заврши натпреварот со 19 поени и 10 скокови. Кај поразените се истакна Џорџ со 16 поени, исто толку додаде и Хортон-Такер.

Денвер славеше победа против Орландо после голем пресврт. Губеа со 18 разлика, но на крајот го добија натпреварот со 119:109. До победата ги предводеа Арон Гордон со 24 поени, додека Јокиќ додаде 17 поени и запиша 16 асистенции.

Така Јокиќ го престигна легендарниот Вилт Чембрлејн по бројот на двоцифрени асистенции на еден центар во еден натпревар. Српскиот кошаркар го направил тоа дури 81 пат.

НБА РЕЗУЛТАТИ: Атланта – Голден Стејт 117:111, Денвер – Орландо 119:109, Хјустон – Њу Орлеанс 115:122, Филаделфија – Мемфис 100:116, Бостон – Шарлот 116:86, ЛА Клиперси – ЛА Лејкерси 104:86, Чикаго – Бруклин 115:107