Повремениот македонски репрезентативец Кире Маркоски и во претстојната сезона ќе го носи дресот на Работнички. Тој потпиша нов договор со клубот од Дебар Маало и се обврза на верност до крајот на 2024 година.
Маркоски имаше одлични настапи минатата сезона и взаемна беше желбата за продолжување на соработката со крилниот напаѓач.
Александар Вучковски - сомелиер: Како македонските вина го освојуваат светот? ↓↓↓
Тој на почетокот на 2023 година се врати во Работнички, каде играше и во периодот од 2012 до 2018 година. Во Македонија, Маркоски настапуваше и за Вардар, Шкендија, Шкупи и за Академија Пандев, а градеше и интернационална кариера во АЕЛ Лимасол (Кипар), Спартак Трнава (Словачка).
Маркоски беше дел од „златната генерација“ млади фудбалери која со Македонија учествуваше на Европското првенство за фудбалери до 21 година, а има и пет настапи за сениорскиот национален тим.
Учество во игри на среќа е дозволено за лица со 18+ години. Играј одговорно!