Кизиќ: АЕК е изненадување на сезоната, знаеме дека се квалитетен тим

Maкедонскиот претставник Еурофарм Пелистер замина за Атина на дуел со последниот освојувач на Челинџ Купот, АЕК Атина.

Пред овој натпревар зборуваше младиот голман Марко Кизиќ.

„АЕК е изненадување на сезоната. Ги познававме и претходно, знаевме дека се квалитетен тим, но покажаа одлични резултати во првите две кола. Тоа не смее да нè заплашува, тоа ни дава поголем мотив. Се спремаме, ги анализираме и одиме во Атина на победа.

Имаат доста нови играчи. Од тоа што го гледавме, играат брз ракомет, ризикуваат многу и не калкулираат. Сакаат да играат и нивната најголема предност е сплотеноста. Се гледа дека се екипа, но тоа ни дава поголем мотив да докажеме дека сме подобри од нив и да ги победиме“, изјави Кизиќ.

Фото: РК Еурофарм Пелистер