Кејн добива нов договор со астрономска плата

Откако вчера Хари Кејн потврди дека останува во Тотенхем, денес англиските медиуми пренесуваат дека претседателот Даниел Леви сака богата да го награди за неговата лојалност.

Имено, клубот ќе му предложи побогат договор, иако Кејн во моментов заработува 230.000 фунти неделно. Леви сака да му понуди 100.000 повеќе односно 330.000 фунти неделно.

Идејата е Кеј да потпише договор со клубот до крајот на својата кариера, односно до 2027 година, кога ќе има 34 години. Леви смета дека со овој договор голгерот нема да бара трансфер следното лето.

„Тајмс“ пренесува дека преговорите се веќе започнати и дека со бонуси платата на Кејн може да достигне до 400.000 фунти неделно.