Касано: Настапот на Милан во ЛШ е доказ колку Серија А е лоша

Серија А во 80-те и 90-те години важеше за најсилна лига и тој период траеше се до 2005-2006 и од поодамна оваа лига го загуби приматот од Ла Лига и Премиер лигата.

Италија нема европски шампион уште од 2010 година кога Интер со Горан Пандев освои „триплета“. Антонио Касано сезонава го посочи Милан како пример колку лигата е лоша.

„Серија А е полоша од она што мислиме ние. Најдобро тоа може да се види со Милан. Најдобриот тим во Серија А во Лигата на шампионите има катастрофален резултат, само еден бод после четири кола и е пред елиминација“, истакна Касано.

Од италијанските претставници Јувентус иако игра лошо во Италија веќе обезбеди пласман во нокаут фазата со четири победи и 12 бода, меѓутоа „старата дама“ во последните три години најдалеку стигнуваше до осминафиналето. Аталанта ја чека битка со Виљареал и Јунајтед во групата, а пласман во следната фаза нема обезбедено и Интер кој лани не ја помина групата.