Картите на маса: Ова е причината за суспензијата на Обамејанг

Борусија Дортмунд моментално е во Штутгарт каде утре ќе одигра меч од Бундеслигата, но со екипата не отпатува Обамејанг.

Од тимот денес објавија дека тој е санкциониран од страна на клубот, а до вечерва не беше позната причината.

Тренерот Петер Бош, одлучи да го остави во Дортмунд каде од дома ќе го следи мечот, а причината е неговото „вечно“ доцнење на тренинг.

По правилата на Бош, фудбалерите на Борусија мораат да бидат еден час пред тренингот во соблекувалната, а Обамејанг скоро секогаш доцнел, седел во својот луксузен автомобил, наведуваат германските медиуми.

Не е ова првпат недисциплираниот Пјер Емерик Обамејанг да му се случи нешто слично, ова го следеше и изминатата сезона.

Непрофесионализмот се чини би можел многу да чини…