Кари и Јанис режираа спектакуларно забивање како што се гледа само на „Ол-Стар“ (ВИДЕО)

Тимот на Јанис Андетокумбо не успеа да стигне до победа во Ол-Стар спектаклот кој се одржа во Шарлот каде што подобар беше тимот на предводен од Леброн Џејмс.

Јанис беше вистински лидер на својот тим кој имаше предност и од 20 поени во еден момент, меѓутоа со серијата тројки во третата четвртина тимот на Леброн стигна до победата.

Лидерот на поразените, Јанис натпреварот го заврши со 38 постигнати поени и 11 скока, а доминираше и кога забивањата беа во прашање. Еден момент кој сигурно е за издвојување се случи во втората четвртина.

Тогаш во соработка со Стеф Кари грчкиот кошаркар изведе спектакуларен скок каков што ретко се гледа и со монструозно забивање поентираше. Ова секако беше потег кој придонесе за огромни овации во целата арена.

Descending from the mountain Olympus pic.twitter.com/S14UtPa4wF

— Eurohoops.net (@Eurohoopsnet) February 18, 2019

Дефинитивно незамисливо е да видиме вакво нешто некаде на друго место, освен на „Ол-Стар“.

МВП на овој спектакл кој се одржа во Шарлот беше Кевин Дурант што за него беше второ вакво признание во кариерата.

ЈАНИС ТИМ – ЛЕБРОН ТИМ 164:178 (53:37, 42:45:36:50, 33:46).

Леброн тим: Дурант 31 (6/9 за три), Ленард 19 (5/11 за три), Џејмс 19 (1/8 за три), Харден 12 (4/13 за три), Ирвинг 13, Дејвис 5, Олдриџ 2, Таунс 11, Лилард 18, (6/17 за три), Симонс 10. Вејд, 7, Томпсон 20 (6/12 за три, Бил 11 (3/10 за три).

Јанис тим: Адетокумбо 38, Џорџ 20 (6/12 за три), Ембид 20, Кари 17 (4/17 за три), Грифин 10, Новицки 9, Мидлтон 20 (6/10 за три), Јокиќ 6, Вучевиќ 4, Расел 6, Лаури 3, Вестбрук 17 (1/8 за три).