Кан: Имам чувство дека се се распаѓа

Баерн Минхен е на работ да ја загуби шампионската титула во Германија после поразот од Лајпциг на домашен терен.

Борусија Дортмунд има бод помалку од Баерн, но и натпревар помалку, а денеска гостува кај Аугсбург, клуб кој се бори за опстанок.

Баварците сигурно не можат да бидат задоволно од оваа сезона, која ја одбележаа многу турбуленции, тренерска смена, па очигледно дека атмосферата во тимот е нарушена.

„Тоа се случи многу пати оваа сезона. Се чувствувам како се да се распаѓа. Како што одминуваше натпреварот, имав чувство дека не можеме да победиме. Ситуацијата веќе не е во наши раце. Тоа е горчливо. Длабоко сме разочарани што ја пропуштивме оваа можност“, изјави извршниот директор, Оливер Кан.