„Калчомеркато“ со „дрва и камења“ по Милан: Поради ваквите потези Серија А пропаѓа!

Во текот на вчерашниот ден италијанските медиуми лансираа информации дека Иван Стриниќ на лето ја напушта Сампдорија и преминува во Милан.

Оваа информација ја потврди и Џанлука Ди Марцио, според него за овој трансфер се е договорено, додека пак „Газета дело Спорт“ истакна дека за реализација на трансферот преостануваат само формалности.

Во меѓувреме на порталот „Калчомеркато“ се појави текст кој беше кртичен кон чудната трансфер политика на Милан.

„Нема крај на бесмислените потези на спортскиот директор на Масмилијано Мирабели. Неговиот најнов потег, доведувањето на Иван Стриниќ во Милан кој е често оспоруван како на Апенините така и во татковината е само потврда за лошата политика. На никој не му е јасно што работи Милан. Тврдат дека тој ќе го замени Рикардо Родригез, но дали Стриниќ е навистина подобар од Антонели кој е пред заминување?“, се прашува авторот на тексот.

„Јасно е каде води оваа политка. Таквиот пристап е причината поради која беше доведен Никола Калиниќ. Мирабели потроши огромна сума на пари и купуваше играчи без никакви логика. Доведувањето на Стриниќ е потег кој би го повлекол Адријано Галијани во својата налоша фаза. Милан во овој момент има просечен тим и ќе го има уште долго време доколку продолжи вака да работи. Токму таквите потези е причината поради кои Серија А пропаѓа и е во сенка на Премиер лигата“, заклучува авторот на тексот.