Календарската година во светло сина боја: Наполи е есенскиот шампион во Серија А (ВИДЕО)

Избраниците на Маурисио Сари славеа на гостувањето кај Кротоне со резултат 0:1.

Гостите до предност дојдоа кога во 17. минута својот 117. гол во дресот на Наполи го постигна Марек Хамшик.

Се заканија кон противничкиот гол во првиот дел и Инсиње и Мертенс, ударот на Италијанецот го спречи голманот на Кротоне, додека шутот на Мертенс од слободен удар ја погоди пречката.

Во вториот дел веќе во 53. минута имаше шанса за израмнување на резултатот. Инсиње потоа во 64. минута ја погоди пречката .

Сепак на крајот, Наполи триумфираше минимално за сигурен врв во Серија А во полусезоната.