И Ѓоковиќ се збогуваше со Михајловиќ

Новак Ѓоковиќ преку социјалните мрежи денес се прости од Синиша Михајловиќ кој вчера ја загуби битката со леукемијата.

Михајловиќ три години се бореше со леукемијата која претходно еднаш и ја победи, но за жал болеста подоцна се врати.

Пораки по неговата cмрта пристигнуваат од сите страни, утрешното финале на Мундијалот ќе започне со минута молк во знак на почит.

„Почивај во мир, драг Синиша. Сочувство до фамилијата Михајловиќ. Ти благодарам за се што направи за нашиот спорт, како и во Италија. Твојата трага е неизбришлива“, објави Ѓоковиќ.