И тоа се случи – капитенот на Реал Мадрид го пофали Меси

Селекцијата на Шпанија во вчерашниот пријателски натпревар ја декласираше селекцијата на Аргентина со убедливи 6:1, а дел од овој натпревар беше и капитенот на Реал Мадрид Серхио Рамос.

Рамос по убедливата победа се обиде да ја смири еуфоријата и истакна дека ова е само пријателски натпревар, но она што е најинтересно го пофали, ни помалку, ни повеќе – Лионел Меси.

„Навистина е убаво кога силна селекција каква што е Аргентина ќе ја победите со убедлив резултат, но мораме цврсто да стоиме на земја, ова беше само пријателски натпревар и се уште ништо не сме направиле. Најдоброто треба да го покажеме на Мундијалот“, изјави Рамос, а потоа следуваше пофалба за Лео Меси.

„Меси е навистина голем и уникатен играч, дефинитивно Аргентина не е иста со и без него во тимот“, заклучи Рамос.

Меси поради претпазливост од посериозна повреда го пропушти вчерашниот натпревар.