И „Марка“ најави: Стартува операцијата „Нејмар“!

Веќе подолго време Бразилецот Нејмар се поврзува со враќање во Ла Лига и тоа во редовите на Реал Мадрид!

Неодамна се пишуваше и дека Нејмар одржал две тајни средби со претставниците на „кралевите“, а сега реномираната „Марка“ пишува дека операцијата „Нејмар“ започнува.

Треба и да се истакне дека „Марка“ е медиум кој е добро упатен со случувањата во таборот на Реал, па важи и за неофицијално „гласило“ на клубот од Мадрид.

Причините кои се наведуваат се веќе познати. Нејмар наводно не е задоволен од атрактивноста и квалитетот на француската лига и поради тоа размислува повторно за Примера.

Кога е другата страна во прашање се најавува дека Реал за услугите на Нејмар е подготвен да плати сума помеѓу 260 и 300 милиони евра, иако на почетокот се шпекулираше и за астрономски 400 милиони евра.

Да потсетиме, Нејмар предизвика и бура од реакции кога пред два дена социјалната мрежа Инстаграм го „заследи“ капитенот на Реал Мадрид Серхио Рамос.