Италијанците тврдат: Готово – Наполи го продал Осимен за 120 милиони евра!

Aко веруваме на информациите од Италија, Наполи постигнал договор за продажба на својата најголема ѕвезда, Виктор Осимен.

Напаѓачот на италијанскиот тим според најавите за 120 милиони евра ќе ја промени средината. Карло Алвино, новинарот на радиото „Кис Кис“ откри дека договор има, но не се открива кој е купувачот.

Претходно со Осимен најмногу се поврзуваа Пари Сен Жермен и Челзи, па нема да биде изненандување ако Нигериецот заврши во некој од овие два клуба.

Сезонава Осимен не на нивото како минатата сезона во која беше еден од најважните фудбалери на Наполи во освојувањето на Скудетото. Напаѓачот сезонава постигна 13 гола на 17 натпревари.