Италијанско дерби за 19-годишен Уругваец

Италијанските гиганти Јувентус и Интер водат битка за левиот бек на Ривер Плата, Марсело Сарачи.

19-годишниот уругвајски репрезентативец најверојтно од следната сезона ќе игра во Серија А, пренесуваат тамошните медиуми.

Сарачи е Уругваец, кој потекнува од школата на Данубио, а од минатата година е член на аргентинскиот гигант Ривер Плата.

Скаутите на италијанските гиганти го следат веќе подолго време и се убедени дека Сарачи одлично ќе се вклопи во Серија А.

Интер веќе официјално стапил во контакт со неговиот менаџер, а се очекува истото да го направи и Јувентус во скоро време.