Италијанско дерби за дефанзивецот на Реал

Дефанзивецот на Реал Мадрид, Начо на лето како слободен агент ќе го напушти клубот, а неколку европски гиганти веќе ја почнаа трката за неговиот потпис.

Начо е дел од Реал Мадрид од 2001 година, а за првата екипа игра од 2011 година и изгради легендарен статус во клубот.

Неговиот договор истекува на крајот на сезоната, а двете страни одлучиле да се разделат, па дефанзивецот е слободен агент.

Интер и Јувентус веќе стапиле во контакт со неговиот агент и сакаат да го доведат без обештетување, а според медиумите Начо преферира да се пресели во Серија А.