Италијанскиот репрезентативец по долги години го напушта Јувентус?!

Според тврдењата на Спорт Италија, тандемот на Јувентус, Клаудио Маркизио и Мојс Кин би можел да се пресели во Ница.

Новиот тренер на клубот од Азурниот брег, Патрик Вијера не е заинтересиран само за талентираниот напаѓач, какви што беа првичните информации,туку и за искусен играч за врска.

Маркизио има проблем со повредите и сигурно е дека би оставил многу длабок траг во својот матичен клуб да не беа тие, сега има 32 години и се погласно зборува за неговото заминување од клубот.

Договорот му истекува за две сезони, а како што и самиот истакна не сака да игра ниту за еден друг клуб во Италија освен за Јувентус.

Ница е блиску до границата со Италија, па може да биде тоа фактор кој би пресудил.

Што се однесува до Кина, тој е интересен и за Борусија Дортмунд која преку неговиот менаџер, Мино Раиола воспоставија контакт со челниците на „Старата дама“ за да се отпочнат преговорите.

Ница во тој случај мора да биде поконкурентна.