Интер се засилува со играч на Јувентус

Како што пренесуваат италијаските медиуми, Интер е силно заинтересиран за играчот на Јувентус, Квадво Асамоа.

На крајот на сезоната Квадво Асамоа ќе биде слободен агент бидејќи му истекува договорот со Јувентус, а на маса има неколку понуди.

Асамоа цели 6 сезони е член на „старата дама“, па двете страни одлучија да се разделат на крајот на сезоната.

Таквата ситуација сака да ја искористи Интер и да го донесе Асамоа без обештетување. Тренерот Спалети го сака Африканецот во својот тим бидејќи е поливалентен и може да игра како лев бек, но и како играч за врска.

За неговите услуги е заинтересиран и тимот на Галатсарај, но Интер во моментов е во пол-позиција за неговиот потпис.