Интер и Јуве се приклучија во траката по ѕвездата на Селтик

Муса Дембеле блеска во дресот на Селтик и за него силен интерес покажуваат готово сите големи клубови од Премиер лигата.

Веќе подолго време со младиот напаѓач се поврзува Манчестер Сити бидејќи Пеп Гвардиола е голем фан на Муса Дембеле, но Челзи во зимскиот преоден рок понуди 25 милиони фунти за неговиот потпис.

Селтик ја одби таа понуда но јасно е дека следното лето нема да може да одолее на нападите од европските гиганти, а Муса Дембеле ќе биде една од ѕвездите на преодниот рок.

Медиумите пренесуваат дека во трката за неговиот потпис се приклучиле и италијанските гиганти Интер и Јувентус, па Французинот сигурно ќе биде на слатки маки да ја избере следната дестинација.

Се очекува неговата цена на лето да порасне до 40 милиони евра, а неколку клубови во Европа се спремни да ја платат таа сума.