Интер договорил нов напаѓач

Напаѓачот на Порто, Мехди Тареми наредното лето ќе стане нов член на Интер.

Тареми влезе во последните шест месеци од договорот со Порто, па имаше право да потпише преддоговор со следниот клуб, а како што стојат работите го избрал Интер.

31-годишниот стрелец договори двегодишен договор со Интер и ќе биде уште едно засилување во нападот на Симоне Инзаги.

Тареми стана вистински миленик помеѓу навивачите на Порто откако дојде од Рио Аве во летото 2020 година, а досега на 171 натпревар во сите натпреварувања постигна 86 гола и забележа 53 асистенции.

Интересно е да се истакне дека Тареми во Европа пристигна дури во 2019 година од катарската Ал Гарафа, а претходно настапуваше во својата татковина Иран со која моментално е на Азискиот куп.