Интер денес го претстави Врсаљко и погодувате на кое прашање мораше да одговори

Тимот на Интер денес го претстави засилувањето за новата сезона хрватскиот фудбалер, Шиме Врсаљко.

Врсаљко денес беше претставен пред медиумите, а прашањата кои ги доби Хрватот можеби и беа очекувани.

Имено, новинарите не ја пропуштија прилика да го прашаат Врсаљко дали знае нешто повеќе за потенцијалниот трансфер на неговиот сонародник Модриќ во Интер.

Сепак, Врсаљко не даде конкретен одговор.

„Лука е мој пријател и јас ги почитувам неговите одлуки. Не разговараме со него за приватните планови. Самиот ќе донесе одлука и не би сакал сега јас да зборувам во негово име“, изјави Врсаљко.

Ќе потсетиме, доколку Интер навистина се обидува да го ангажира Модриќ има само уште рок од два дена пред трансфер периодот во Италија да биде затворен.